Elsta klappstýra sögunnar kærð fyrir nauðgun

Fyrrum klappstýran Molly Shattuck er í vondum málum eftir að hafa verið kærð fyrir nauðgun og að hafa keypt áfengi fyrir ungmenni.

Hún var 38 ára gömul er hún varð klappstýra hjá Baltimore Ravens. Shattuck var mikið í fjölmiðlum vegna málsins enda elsta klappstýra í sögu NFL-deildarinnar.

Hún var klappstýra hjá félaginu til fertugs en tók svo við sem þjálfari klappstýranna næstu sex árin.

Shattuck er sökuð um að hafa misnotað 15 ára gamlan vin sonar síns kynferðislega. Hún bauð þeim og fleiri vinum í helgarferð. Keypti síðan handa þeim áfengi og þessa helgi á misnotkunin að fara farið fram.

Málið verður tekið fyrir á næstu misserum.