Fram endurheimti toppsætið | Fylki náði í stig gegn Gróttu

Fylkir náði óvæntu jafntefli, 20-20, gegn toppliði Gróttu í Olís-deild kvenna í handbolta. Gróttukonur leiddu með þremur mörkum í hálfleik, 9-12, en Árbæjarliðið vann seinni hálfleikinn 11-8 og nældi sér í gott stig.

Patrícia Szölösi og Thea Imani Sturludóttir skoruðu sex mörk hvor fyrir Fylki en Anna Úrslúla Guðmundsdóttir var markahæst í liði Gróttu með fimm mörk.

Mörk Fylkis:

Thea Imani Sturludóttir 6, Patríca Szölösi 6, Sigrún Birna Arnardóttir 4, Hafdís Shizuka Iura 2, Rebekka Friðriksdóttir 1, Ólöf Kristín Þorsteinsdóttir 1.

Mörk Gróttu:

Anna Úrsúla Guðmundsdóttir 5, Karólína Bæhrenz Lárudóttir 4, Laufey Ásta Guðmundsdóttir 3, Anett Köbli 2, Eva Björk Davíðsdóttir 2, Guðný Hjaltadóttir 2, Lovísa Thompson 1, Sunna María Einarsdóttir 1.

Fram gerði góða ferð til Vestmannaeyja og vann öruggan sigur á ÍBV, 18-26. Staðan var 9-14 í hálfleik en Fram náði mest níu marka forystu í seinni hálfleik.

Ragnheiður Júlíusdóttir og Elísabet Gunnarsdóttir voru markahæstar í liði Fram með sex mörk hvor en með sigrinum endurheimti liðið toppsæti deildarinnar.

Ester Óskarsdóttir skoraði níu mörk fyrir ÍBV en Eyjakonur hafa nú tapað þremur leikjum í röð og fjarlægjast efstu liðin enn frekar.

Mörk ÍBV:

Ester Óskarsdóttir 9, Vera Lopes 4, Drífa Þorvaldsdóttir 2, Telma Amado 1, Díana Dögg Magnúsdóttir 1.

Mörk Fram:

Ragnheiður Júlíusdóttir 6, Elísabet Gunnarsdóttir 6, Marthe Sördal 4, Steinunn Björnsdóttir 3, Guðrún Þóra Hálfdánsdóttir 2, Sigurbjörg Jóhannsdóttir 2, Hulda Dagsdóttir 2, Hekla Rún Ámundadóttir 1.

Sólveig Lára Kjærnested skoraði sjö mörk þegar Stjarnan vann átta marka sigur, 30-22, á botnliði ÍR í TM-höllinni.

Þórhildur Gunnarsdóttir var næstmarkahæst í Stjörnuliðinu með fimm mörk en Garðbæingar eru í 3. sætinu, tveimur stigum á eftir Fram og Gróttu.

Mörk Stjörnunnar:

Sólveig Lára Kjærnested 7, Þórhildur Gunnarsdóttir 5, Guðrún Erla Bjarnadóttir 3, Helena Rut Örvarsdóttir 3, Hanna Guðrún Stefánsdóttir 3, Stefanía Theodórsdóttir 2, Arna Björk Almarsdóttir 2, Esther Viktoría Ragnarsdóttir 2, Arna Dýrfjörð 2 og Sandra Sif Sigurjónsdóttir 1.

Mörk ÍR:

Brynhildur Bergmann Kjartansdóttir 12, Sigrún Ása Ásgrímsdóttir 4, Sif Maríudóttir 2, Jóhanna Björk Viktorsdóttir 2, Karen Tinna Demian 1, og Anna Margrét Sigurðardóttir 1.

Haukar jöfnuðu ÍBV að stigum í 4.-5. sæti deildarinnar með fjögurra marka sigri, 27-23, á Selfossi fyrir sunnan. Marija Gedroit fór á kostum í liði Hafnfirðinga og skoraði 10 mörk. Karen Helga Díönudóttir kom næst með sex mörk.

Mörk Selfoss:

Hrafnhildur Hanna Þrastardóttir 6, Carmen Palamariu 6, Harpa Sólveig Brynjarsdóttir 4, Kristín Steinþórsdóttir 2, Perla Rut Albertsdóttir 1, Hildur Öder Einarsdóttir 1.

Mörk Hauka:

Marja Gedroit 10, Karen Helga Díönudóttir 6, Viktoría Valdimarsdóttir 3, Ásta Björk Agnarsdóttir 2, Gunnhildur Pétursdóttir 2, Ragnheiður Ragnarsdóttir 2, Stefanía Sigurjónsdóttir 1, Ragnhildur Sveinsdóttir 1.