Rústaði bíl svikuls eiginmanns

Þessi gullfallegi Audi R8 er rústir einar eftir bræðiskast eiginkonu eiganda bílsins. Hún uppgötvaði framhjáhald hans og brást við með því að leggja bílinn hreinlega í rúst.

Nánast ekkert er heilt í bílnum eftir iðju hennar, allir ytri fletir bílsins eru rispaðir, öll ljós brotin, sætin sundurskorin, allar rúður brotnar og vindkljúfurinn að aftan rifinn af.

Að auki fjarlægði eiginkonan númeraplötur bílsins, braut allt mælaborðið, reif hljómflutningstækin út og skar á marga víra í rafkerfi bílsins. Bíllinn er svo til ónýtur eftir aðfarirnar og líklegur til niðurrifs. En vonandi hefur eiginkonan fengið næga útrás á meðan þessu stóð.