Lega legsins getur skipt máli

Afturhallandi leg liggur nær mænunni. hallar því aftur í líkamanum, fremur en að vera á milli blöðrunnar og í átt að maga (frekar framhallandi eða beint upp).

Ástæður fyrir þessu geta verið ýmsar líkt og legslímuflakk eða jafnvel meðganga. Þetta er frekar algengt en það er áætlað að allt að 20% kvenna (sumir læknar benda til að þetta gæti verið enn hærri tala) séu með afturhallandi leg.

Þetta getur leitt af sérsársaukafullar samfarir, erfiðleika við getnað og aukna tíðarverki. Þó finna ekki allir fyrir þessum sársauka og þetta kemur oft ekki í ljós fyrr en er skoðað af kvensjúkdómalækni.

Þegar sársauki er við samfarir þá getur það verið meira í sumum stellingum en öðrum og þá sérstaklega stellingum þar sem typpi fer djúpt inn í leggöng og jafnvel fer utan í leghálsinn. Því getur það verið lausn fyrir suma að skipta um stellingu og velja þá stellingur þar sem auðveldara er að stjórna hversu djúpt typpið fer. Það gæti til dæmis verið trúboðastellingin þar sem fætur eru settir saman svo typpi fari ekki jafn djúpt inn í leggöng. 

Ef þú glímir við sársauka í samförum þá er alltaf ástæða til að fara til kvensjúkdómalæknis í ítarlega skoðun svo hægt sé að kanna hvort líkamlegar ástæður liggja þar að baki. Það eru til ýmis ráð við afturhallandi legi og er best að ræða úrræðin við lækni.