Bílar

Lamborghini fjölgaði starfsfólki um 20% í fyrra

Finnur Thorlacius skrifar
Nýtt starfsfólk Lamborghini á Ítalíu.
Nýtt starfsfólk Lamborghini á Ítalíu.
Það hljómar kannski ekki sem svo há tala að bílaframleiðandi ráði 192 nýja starfsmenn á einu ári, en þar sem þeir bættust við aðeins 983 starfsmenn, þá telst það mikið.

Það sem meira er, Lamborghini ætlar að ráða annað eins á þessu ári og ekki hljómar það illa fyrir vinnumarkaðinn á Ítalíu, en þar er gríðarlegt atvinnuleysi, sér í lagi á meðal ungs fólks.

Flestir þessara starfsmanna eru tæknifólk og sérfræðingar og flestir þeirra undir 30 ára aldri. Lamborghini hefur fjölgað starfsfólki um 500 manns á síðustu 4 árum og er þetta enn eitt bílamerkið sem heyrir undir Volkswagen sem stækkar ört. Lamborghini seldi 2.530 bíla á nýliðnu ári og sló með því við metsöluárinu 2008 með 100 bílum.

Nýr Hurácan, sem brátt fer í sölu, mun vafalaust verða til þess að salan á þessu ári verður talsvert meiri en í fyrra. Lamborghini er einnig með jeppa, sem fengið hefur vinnuheitið Urus, á teikniborðinu og ef eða þegar hann verður að veruleika ættu sölutölurnar að taka enn eitt stórt stökkið.  

Mest lesið


Fleiri fréttir

Sjá meira


×

Mest lesið