Stöðvaðu skvörtið

G-bletturinn hefur lengi verið afar umdeildur.

Honum er gjarnan lýst sem svampkenndum vef á framvegg legganganna um þremur sentímetrum inn fyrir leggangaopið. Það eru kenningar uppi um að g-bletturinn sé tengdur snípnum og því geti örvun á honum þótt ánægjuleg.

Við örvun á g-blettinum er mikilvægt að örva snípinn á undan og á meðan g-bletturinn er örvaður. Viðkomandi þarf að vera afslöppuð og kynferðislega æst. Þessi örvun getur leitt til fullnægingar og henni getur fylgt vökvi.

Þessi vökvi hefur verið rannsakaður en sumir telja vökvann koma frá þvagrásinni eða kirtli þar um kring og segja hann vera glæran eða mjólkurlitaðann og lyktarlausan og því ólíkur þvagi.

Vökvinn sem getur komið við örvun g-bletts kallast saflát á íslensku, female ejaculation á ensku og skvörting í klámi.

Sumar konur sem finna fyrir g-blett og örva hann í kynferðislegum tilgangi kæra sig ekki um að upplifa saflát, bæði vegna magn vökvans en einnig vegna þeim líður eins og þær þurfi að pissa.

Saflát verkar því öfugt við grindarbotnsæfingar þar sem hvatt er til að draga vöðvann inn í leggöng og herpa saman því við örvun g-bletts er hvatt til að ýta á móti.

Ef þú upplifar saflát og vilt draga úr því þá er um að gera að lesa áhugaverða grein frá vefsíðu Betty Dodson og gera grindarbotnsvöðvaæfingar.