Hvað gera Mosfellingar gegn bikarmeisturunum? | Myndband

HK keppir til úrslita í bæði karla- og kvennaflokki í bikarkeppninni í blaki í dag.

Karlaliðið mætir KA í úrslitum en kvennalið HK berst við Afturelding um bikarameistaratitilinn sem HK hefur unnið síðustu tvö ár. HK hefur alls fimm sinnum orðið bikarmeistari í kvennaflokki.

Sigurhefðin er öllu minni hjá Aftureldingu en Mosfellingar hafa aðeins einu sinni orðið bikarmeistarar. Það var árið 2012, áður en sigurganga HK hófst.

Afturelding vann öruggan 3-0 sigur á Þrótti Neskaupsstað í undanúrslitunum á meðan HK sló Stjörnuna úr leik, 3-1. Úrslitaleikurinn hefst klukkan 15:15 í dag.

Svipmyndir úr leik Aftureldingar og Þróttar sem og viðtal við Velinu Apostolovu, leikmann Mosfellinga, má sjá í spilaranum hér að ofan.

Myndbandið er frá SportTV.