Áframhald á kuldatíð seinkar veiðivon á norðurlandi

Veðurspá næstu vikuna ber þess engin merki um að einhver hlýindi séu á leiðinni sem kemur vötnunum á norðurlandi í gang.

Mörg af vötnunum eru ennþá ísilögð en einhverjar vakir eru þó komin á einhver þeirra en í fæstum tilfellum nóg til að kasta á fisk.  Þetta er engin sérstök nýlunda en hvimleitt fyrir veiðimenn engu að síður sem bíða spenntir eftir því að komast í vötnin sín.  Þau vötn sem eru orðin að mestu íslaus verða erfið að veiða því það frýs bara í lykkjum sem er með því hvimleiðasta sem fluguveiðimenn lenda í.

Það eina sem veiðimenn geta gert er að bíða og vonast eftir að sumarið fari að láta sjá sig með hækkandi hitatölum sem bræða ís og snjóalög.  Vötnin hitna og fara í gang öllum veiðiunnendum til mikillar ánægju.  Það er þá bara að hafa úlpuna með í veiðina, alla vega eina viku í viðbót.