Guðrún Brá spilaði mjög vel á Korpu

Guðrún Brá Björgvinsdóttir er efst í keppni í golfi á Smáþjóðaleikunum, en fyrsti hringur af fjórum var leikinn í dag.

Guðrún Brá spilaði langbest allra í dag, en hún spilaði Korpúlfsstaðarvöll á 69 höggum eða þremur höggum undir pari.

Sophie Sandolo frá Mónakó er í öðru sæti, en Sunna Víðisdóttir er í þriðja sæti á tveimur höggum yfir pari.

Íslenska liðið er því í forystu eftir fyrsta dag þar sem tvö bestu skorin á hverjum degi gilda.

Karen Guðnadóttir, sú þriðja í íslenska liðinu, er í fimmta sæti á fimm höggum yfir pari eins og ein stúlka frá Andorra.

Keppni heldur áfram á morgun.