Kleifarvatn gaf flotta veiði í rokinu í gær

Kleifarvatn hefur verið risjótt það sem af er sumri en vatnið gefur oft best á þeim árstíma.

Eitthvað hefur þó hreyft við fiskinum í vatninu í gær en svo virðist sem nokkrir veiðimenn sem renndu í vatnið hafa greinilega hitt á réttann stað og réttann tíma.  Veiðikonan María Petrína Ingólfsdóttir, sem nýlega veiddi 3.2 kg bleikju í Hlíðarvatni, átti aldeilis frábært kvöld í Kleifarvatni í gær þegar hún fékk sjö stóra urriða á maðk.  Tveir aðrir veiðimenn sem hafa látið okkur vita af veiði fengu minna en annar þeirra missti þó fisk sem hann var með á í tæpar 20 mínútur.  Baráttann endaði þó ekki veiðimanni í hag en fiskurinn sleit tauminn stutt frá landi.  Hann tók grænan Nobbler á sökklínu sem var dregin mjög hægt inn en sú aðferð hefur oft gefið vel t.d. í urriðanum á Þingvöllum og í Veiðivötnum.

Núna er sumarið að komast á fullt í veiðinni og okkur langar að heyra frá veiðimönnum frá sem flestum stöðum sem vilja deila með okkur veiðimyndum og veiðisögum.  Þið getið sent okkur póst á kalli@365.is