Öfund eða afbrýðissemi

Margir rugla saman því að vera afbrýðissamur og að vera öfundsjúkur.

Samkvæmt sálfræðingum þá er afbrýðissemi tilfinning tengd óöryggi þegar eitthvað sem við eigum (eins og sérstakt samband við ákveðna manneskju) er ógnað af þriðja aðila.

Eða eins og Homer Simpsons segir

Hér óttumst við að missa eitthvað (oftast einstakling) frá okkur.

Öfund, á hinn bóginn, er þegar við girnumst eitthvað sem einhver annar á. Það getur verið eiginleiki, vinna eða hlutur. Hér er því skortur á einhverju.

Þannig er öfund á milli tveggja einstaklinga en afbrýðissemi á milli þriggja einstaklinga.

Þessar tilfinningar geta hangið saman en þurfa ekki að gera það.

Nýlegar rannsóknir benda til þess að með tilkomu samfélagsmiðla þá hefur öfund aukist, sérstaklega í ljósi þess að fólk ber sig saman við þá ímynd sem aðrir kjós að deila á samfélagsmiðlum.

Þannig getur það að rúlla niður facebook listann sinn haft neikvæð áhrif á lífsgleðina, sérstaklega ef þér þykir þú standast illa samanburðinn við fólkið á vinalistanum þínum.

Eitt það sem er mikilvægt í þessu samhengi er að spyrja vini sína hreint út hvernig málin standa hjá þeim og þá kemur oft skýrari mynd í ljós og lítil sem engin ástæða til að tapa sér í öfund.

Það gæti verið gagnlegt að nýta öfund sem hvata til breytinga. Ef þú finnur fyrir öfund í garð annarrar manneskju kannaðu þá hvað það er sem þú öfundar viðkomandi af og hvað þú getir gert til að koma þér í sambærilega stöðu.