GSÍ harmar misskilninginn sem olli því að GKB mætti ekki til leiks

14. ágúst 2015 19:00

Forseti Golfsambands Íslands sendi í gær Golfklúbb Kiðjabergs afsökunarbréf þar sem hann sagðist harma þau mannlegu mistök hjá mótanefnd sem ollu því að sveit GKB missti af úrslitaleik liðsins í 2. deild sveitakeppninar um síðustu helgi.

Þetta kom fram á heimasíðu GKB í dag.

Líkt og Vísir fjallaði um voru forráðamenn og liðsstjóri GKB afar ósáttir með vinnulag mótastjórnar en sveitinni barst aldrei tilkynning um að ákveðið hefði verið að flýta rástíma liðsins um klukkutíma.

Leiddi það til þess að leikmenn né liðsstjóri liðsins höfðu ekki hugmynd um breytinguna og misstu fyrir vikið af leiknum.

Forseti GSÍ sagði í samtali við Vísi á mánudaginn að farið yfir verklag mótastjórnar til þess að finna hvar vandamálið lægi en svo virðist vera sem mótsstjórn hafi í góðri trú talið að upplýsingarnar hefðu komist til skila.

Golf

Tengdar fréttir

Forseti GSÍ: Leiðinlegur blettur á annars góðri helgi

Forseti Golfsambands Íslands staðfesti að farið yrði betur yfir verklag starfsmanna á sveitakeppni GSÍ eftir að Golfklúbbur Kiðjabergs sendi frá sér yfirlýsingu þar sem kom fram að enginn hefði sagt liðinu að rástíma hefði verið flýtt.

10. ágúst 2015 09:30

GM og GR meistarar í sveitakeppni GSÍ

Golfklúbbur Mosfellsbæjar og Golfklúbbur Reykjavíkur tryggðu sér sigur í fyrstu deild karla og kvenna í sveitakeppni GSÍ, en GM var að vinna þetta mót í fyrsta sinn.

9. ágúst 2015 16:20

Formaður GKB ósáttur | "Viljum fá afsökunarbeiðni frá GSÍ“

Liðsstjóri Golfklúbbs Kiðjabergs í sveitakeppni GSÍ gagnrýndi fyrirkomulagið á mótinu en liðið fékk enga tilkynningu um að leik liðsins gegn GJÓ hefði verið flýtt um klukkustund. Formaður GKB tók í sama streng og sagðist vilja fá afsökunarbeiðni frá Golfsambandi Íslands.

10. ágúst 2015 08:00