Alda hreif ferðamenn út í sjó

Ferðamenn sem voru í fjörunni við Dyrhólaey lentu í sjónum í dag. Alda hreif þrjá úr hópi sem var á lítilli rútu og barst fólkið út með henni. Það fór þó ekki langt og var hjálpað í land aftur. Lögreglan á Suðurlandi gerir grein fyrir þessu á Facebook síðu sinni.

Fram kemur að fólkið hafi verið blautt og brugðið en annars var í lagi með þau.

Lögreglan setti lokunarborða við aðkomu að fjörunni. Mikill öldugangur hefur verið í Víkurfjöru, Reynisfjöru og við Dyrhólaey í dag. Lögreglan vill koma á framfæri aðvörun til þeirra sem fara um þessi staði. Að þau fari ekki í fjörurnar vegna hættunnar sem þar er við vissar aðstæður.

Hætta skapaðist í Kirkjufjöru við Dyrhóley seinnipartinn í dag. Tilkynnt var um kl. 17:30 að folk hafi verið í klauf vi...

Posted by Lögreglan á Suðurlandi on Thursday, August 13, 2015