Erlent

Nefndin sem rannsakar MH17 skilar skýrslu í dag

Aðalsteinn Kjartansson skrifar
Rannsóknarnefndin mun líklega ekki taka afstöðu til þess hver skaut vélina niður heldur aðeins af hverju hún brotlenti.
Rannsóknarnefndin mun líklega ekki taka afstöðu til þess hver skaut vélina niður heldur aðeins af hverju hún brotlenti. Vísir/AFP
Hollenska rannsóknarnefndin sem hefur undanfarið ár rannsakað af hverju flugvél  Malaysian   Airlines  brotlenti í Úkraínu á síðasta ári mun skila niðurstöðum sínum í dag. Allir 298 sem voru innanborðs fórust.

Bráðabirgðaniðurstöður sem birtar voru fyrr á árinu gáfu til kynna að vélin hefði verið skotin niður með rússnesku loftskeyti. Vesturlönd og Úkraínsk stjórnvöld segja að aðskilnaðarsinnar, sem njóta stuðnings Rússa, beri ábyrgð á málinu.

Líklega verður þó ekki tekin afstaða til þess í skýrslunni, heldur aðeins hvernig atvikið átti sér nákvæmlega stað. Rússar vinna að eigin skýrslu um atvikið.

Flugvélin var skotin niður þegar hún var á leið frá Amsterdam til Kuala Lumpur, þann 17. júlí á síðasta ári. Meirihluti farþega voru hollenskir ríkisborgarar.



MH17

Mest lesið


Fleiri fréttir

Sjá meira


×

Mest lesið