Nýliði í forystu fyrir lokahringinn á Shriners

Bandaríski kylfingurinn Brett Stegmaier er í forystu fyrir lokahringinn á Shriners mótinu sem fram fer a TPC Summerlin vellinum en hann er á 13 höggum undir pari samtals.

Morgan Hoffman er í öðru sæti á 12 höggum undir pari en nokkrir sterkir kylfingar koma á 11 undir, meðal annars Kevin Na og Ryder-hetjan Jimmy Walker.

Það stefnir því allt í spennandi lokahring í kvöld en forystusauðurinn Stegmaier er aðeins að spila í sínu fjórða móti á PGA-mótaröðinni og því afar óvanur því að leiða jafn stórt mót þegar 18 holur eru eftir.

Bein útsending hefst frá TPC Summerlin klukkan 21:00 í kvöld á Golfstöðinni.