Er þetta hanski eða hafnaboltakylfa?

Fjögurra putta maðurinn Jason Pierre-Paul snéri aftur í NFL-deildina um síðustu helgi.

Þetta var hans fyrsti leikur í deildinni eftir að hann nánast sprengdi af sér hendina á þjóðhátíðardegi Bandaríkjanna.

Pierre-Paul missti vísifingur og það sneiddist af tveimur öðrum puttum er flugeldur sprakk í höndunum á honum.

Hann missti samning sinn við NY Giants í kjölfarið en fékk nýjan eftir að hann sýndi fram á að geta spilað með fjóra putta.

Hannaður var sérstakur fjögurra putta hanski fyrir leikmanninn. Síðan var hanskinn vafinn allsvakalega þannig að höndin leit út fyrir að vera á Hulk.

Pierre-Paul spilaði mjög vel þrátt fyrir þessa vankanta og á örugglega bara eftir að styrkjast.