Gámaþjónustan fær 4 Benz

Gámaþjónustan hefur fest kaup á fjórum Mercedes-Benz Antos vörubílum frá Bílaumboðinu Öskju. Bílarnir eru væntanlegir í byrjun næsta árs og verða kærkomin viðbót við bílaflota Gámaþjónustunnar sem telur tæplega 100 bíla og tæki.

Gámaþjónustan er rótgróið fyrirtæki sem hóf starfsemi árið 1984 og hefur verið í fararbroddi í söfnun, flokkun og endurvinnslu úrgangs frá upphafi. Gámaþjónustan og dótturfélög þess eru með starfsemi víðsvegar um landið.  Gámaþjónustan hefur byggt upp aðstöðu fyrir móttöku og vinnslu úrgangs- og endurvinnsluefna að Berghellu 1 í Hafnarfirði.

Fyrirtækið rekur þar fullkominn jarðgerðarbúnað sem eykur möguleika sveitarfélaga, fyrirtækja og stofnana til endurnýtingar á lífrænum efnum. ,,Það er afar ánægjulegt að fá Gámaþjónustuna á ný í viðskipti til okkar. Þeir eiga nú þegar nokkra Mercedes-Benz bíla, allir síðan 2006-2008," segir Jón Trausti Ólafsson, framkvæmdastjóri Öskju.