Spieth í efsta sæti á Hero World Challenge

Jordan Spieth kann greinilega vel við sig á Hero World Challenge en eftir 36 holur er þessi ungi Texasbúi, sem á titil að verja, á 11 höggum undir pari.

Hann deilir efsta sætinu ásamt Jimmy Walker og Zach Johnson en Chris Kirk, Patrick Reed og Bubba Watson eru aðeins einu höggi á eftir efstu mönnum á tíu undir pari.

Hero World Challenge er góðgerðarmót sem Tiger Woods heldur á hverju ári en 18 af bestu kylfingum heims fá þátttökurétt í mótinu enda er verðlaunaféð með hæsta móti.

Það verður áhugavert að sjá hvort að Spieth nái að verja titilinn um helgina en hann freistar þess að sigra í sínu sjötta móti á PGA-mótaröðinni á árinu.

Bein útsending frá þriðja hring hefst á Golfsöðinni klukkan 17:00 í kvöld.