Krakkarnir gapandi yfir Askasleiki

Kolbeinn Tumi Daðason skrifar 18. desember 2015 14:50

Askasleikir vakti mikla lukku hjá ungu kynslóðinni. Vísir/GVA

Jólasveinarnir eru daglegir gestir á Þjóðminjasafninu dagana í aðdraganda jóla. Sækja þeir safnið heim hver á fætur öðrum og skemmta aðallega ungum og einstaka öldnum sem eiga leið í safnið.

Algengt er að leikskólar og grunnskólar geri sér ferð á safnið þar sem jólasveinarnir segja sögur og taka lagið.

Gunnar V. Andrésson, ljósmyndari Fréttablaðsins og Vísis, var á safninu í gærmorgun þegar þessir hressu krakkar skemmtu sér með Askasleiki.