Þessar leiðbeiningar tryggja hámarksgæði á uppáhelltu kaffi – kjörin leið til að sigla inn í helgina.
- Kauptu baunir frekar en malað kaffi.
- Malaðu kaffibaunirnar rétt fyrir uppáhellingu.
- Ef þú átt ekki kvörn, farðu á uppáhaldskaffibrennsluna þína og fáðu kaffiþjóninn til að mala kaffibaunirnar fyrir þig. Þannig tryggir þú að kaffið sé sem ferskast.
- Malað kaffi geymast best í loftþéttri krukku og er endingartíminn um fimm til sjö dagar.
- Taktu fram í hvernig uppáhellingu kaffið fer í, það skiptir máli upp á grófleika kaffisins. Ef þú ert með pressukönnu er gott að mala kaffið í um 10 til 12 sekúndur. Ef þú hellir upp á í kaffivél er gott að mala baunirnar í 15 til 20 sekúndur.
- Það er gott að miða við að hafa kúffulla matskeið af kaffi á móti tæpum desilítra af vatni. Það er betra að hella upp á sterkt kaffi sem svo er þynnt út með heitu vatni á eftir. Of lítið kaffi á móti vatni í uppáhellingu getur gert kaffið beiskt.
- Hitastig vatnsins á að vera um 96 gráður, sem er um 45 sekúndum áður en hraðsuðuketillinn pípir.
- Helltu nýuppáhelltu kaffinu í hitaðan hitabrúsa. Gott er að hita brúsann með soðnu vatni áður en kaffinu er hellt í hann.
- Einu sinni í mánuði er gott að láta edikslausn (vatn á móti ediki) fara í gegnum vélina til þess að halda henni hreinni. Helltu upp á tvisvar sinnum bara með vatni eftir að edikið hefur farið í gegnum vélina.
