Fjórar milljónir flóttamanna

Flóttamenn sem yfirgefið hafa Sýrland frá upphafi borgarastyrjaldarinnar í landinu vorið 2011 eru nú orðnir fleiri en fjórar milljónir. Frá því greindu Sameinuðu þjóðirnar í gær.

Um sjö og hálf milljón manna er þar að auki heimilislaus innan landsins.

Hópurinn er sá stærsti síðan í borgarastyrjöldinni í Afganistan sem hófst árið 1992. Þá flúðu rúmlega hálfri milljón fleiri.

Flæði flóttamanna frá Sýrlandi er enn að aukast, segja Sameinuðu þjóðirnar, en á síðustu tíu mánuðum hefur milljón manna flúið.