Söluhæstu bækur ársins 2015

Glæpasagnakonungshjónin Arnaldur Indriðason og Yrsa Sigurðardóttir tróna á toppi bóksölulista, þeim sem tekur til alls ársins 2015. En þó þau megi heita á kunnuglegum slóðum kemur ýmislegt athyglisvert í ljós þegar rýnt er nánar í listann.

Vísir birtir 50 mest seldu bækur ársins 2015. Listinn byggir á sölu á öllum helstu útsölustöðum íslenskra bóka nema Eymundsson, um er að ræða um um 90 sölustaði.

Bryndís Loftsdóttir, framkvæmdastjóri Félags íslenskra bókaútgefenda, þekkir hvern krók og kima á hinum íslenska bóksölumarkaði. Hún segir að öllu ægi saman.

„Góð dreifing er á milli flokka og klár nýliðun í gangi. Metsölu- og verðlaunahöfundar fyrri ára ganga ekki að toppsætunum vísum en þó var þetta nokkuð fyrirsjáanlegt og fátt sem kom á óvart. Matreiðslubækur misstu flugið, eftir háloftadans síðustu ára, teiknibólan (litabækurnar) kom með miklum krafti inn á íslenskan markað í sumar en virðist ætla að lognast aftur út af nokkuð hratt,“ segir Bryndís spurð hvað það væri helst sem athygli vekti, sé litið til þróunar í bóksölu.

Bryndís bætir því við að andlega sjálfshjálparbókin hafi varla látið sjá sig þetta árið, en... „nokkrar óvenjulegar handbækur nutu góðrar sölu, Þarmar með sjarma er þar einna eftirminnilegust enda erfitt að toppa þann titil. Í heildina fjölbreytt og firnasterk útgáfa sem líklega mun duga þjóðinni nokkuð fram á þetta ár.“

Svo mörg voru þau orð framkvæmdastjórans glaðbeitta. Víst er að Arnaldur og Yrsa mega vel við una en barnabókahöfundarnir Gunnar Helgason og Ævar Þór Benediktsson eru heldur betur farnir að velgja þeim undir uggum; þeir hafa verið á öruggri siglingu uppá við undanfarin ár með sínar bækur. Þá er eftirtektarverður á markaði árangur þeirra Páls Baldvins, sem var með mikinn doðrant og dýran eftir því sem og Auðar Jónsdóttur sem leiðir fagurbókaflokkinn af miklu öryggi – hún telst nú með vinsælustu skáldsagnahöfundum landsins.

Bóksölulistinn -Topplistinn

50 mest seldu bækurnar árið 2015

 

1. Þýska húsið – Arnaldur Indriðason – Forlagið, Vaka Helgafell
2. Sogið – Yrsa Sigurðardóttir - Veröld
3. Mamma klikk! – Gunnar Helgason – Forlagið, Mál og menning
4. Stóri skjálfti – Auður Jónsdóttir – Forlagið, Mál og menning
5. Þín eigin goðsaga – Ævar Þór Benediktsson – Forlagið, Mál og menning
6. Útkall í hamfarasjó – Óttar Sveinsson - Útkall
7. Stríðsárin 1938 – 1945 – Páll Baldvin Baldvinsson – Forlagið, JPV
8. Nautið – Stefán Máni – Sögur útgáfa
9. Leynigarður – Johanna Basford – Bjartur
10. Eitthvað á stærð við alheiminn – Jón Kalman Stefánsson - Bjartur
11. Hundadagar – Einar Már Guðmundsson – Forlagið, Mál og menning
12. Himneskt að njóta – Sólveig Eiríksdóttir og Hildur Ársælsdóttir – Himneskt
13. Vísindabók Villa : geimurinn og geimferðir – Vilhelm Anton og Sævar Helgi – Forlagið, JPV
14. Endurkoman – Ólafur Jóhann Ólafsson – Veröld
15. Café Sigrún – Sigrún Þorsteinsdóttir – Forlagið, Vaka Helgafell
16. Og svo tjöllum við okkur í rallið – Guðmundur Andri Thorsson – Forlagið, JPV
17. Atvinnumaðurinn Gylfi Sigurðsson - Ólafur Þór Jóelsson og Viðar Brink - Sena
18. Brynhildur Georgía Björnsson - Ragnhildur Thorlacius – Bjartur
19. Útlaginn – Jón Gnarr – Forlagið, Mál og menning
20. Týnd í Paradís – Mikael Torfason – Sögur útgáfa
21. Kafbátur í sjónmáli – Illugi Jökulsson – Sögur útgáfa
22. Dimma – Ragnar Jónasson – Veröld
23. Áfram Ísland - Björn Bragi Arnarsson – Fullt tungl
24. Skósveinar : leitið og finnið – Universal Studios – Bókaútgáfan Hólar
25. Gleðilegt uppeldi – Margrét Pála Ólafsdóttir - Bókafélagið
26. Munaðarleysinginn – Sigmundur Ernir Rúnarsson og Matthías Bergsson – Bjartur
27. Íslensk litadýrð – Elsa Nielsen – Edda útgáfa
28. Grimmi tannlæknirinn – David Walliams – Bókafélagið
29. Matreiðslubókin mín og Mikka – Walt Disney – Edda útgáfa og Setberg
30. Stelpur – Kristín Tómasdóttir – Veröld
31. Sætmeti án sykur – Nanna Rögnvaldardóttir – Forlagið, Iðunn
32. Jólasyrpa 2015 – Walt Disney – Edda útgáfa
33. Leitin að tilgangi unglingsins - Bryndís Björgvinsdóttir / Arnór Björnsson / Óli Gunnar Gunnarsson – Forlagið, JPV
34. Týnda hafið - Johanna Basford – Bjartur
35. Víga-Anders og vinir, kilja - Jonas Jonasson – Forlagið, JPV
36. Hollar og heillandi súpur – Rósa Guðbjartsdóttir – Bókafélagið
37. Minecraft 4-Byggingahandbók – Forlagið, Vaka Helgafell
38. Traktorar í máli og myndum - Jemima Dunne – Forlagið, JPV
39. Dúkka – Gerður Kristný – Forlagið, Mál og menning
40. Fótboltaspurningar 2015 - Bjarni Þór Guðjónsson – Bókaútgáfan Hólar
41. Egils sögur - á meðan ég man - Páll Valsson og Egill Ólafsson – Forlagið, JPV
42. Afturgangan – Jo Nesbø – Forlagið, JPV
43. Fléttur - Laura Kristine Arnesen – Forlagið, Vaka Helgafell
44. Skutlubók Villa - Vilhelm Anton Jónsson – Forlagið, JPV
45. Stúlkan í trénu - Jussi Adler Olsen – Forlagið, Vaka Helgafell
46. Grillréttir Hagkaups – Hrefna Rósa Sætran – Hagkaup
47. Gildran – Lilja Sigurðardóttir – Forlagið, JPV
48. Skytturnar þrjár – Illugi Jökulsson – Sögur útgáfa
49. Kvöldsögur fyrir krakka – Setberg
50. Strákurinn í kjólnum – David Walliams - Bókafélagið