Úr steggjapartýi í gæsluvarðhald: Fylgdarliði mannsins vísað af hótelinu

Erlendur ferðamaður hefur verið úrskurðaður í gæsluvarðhald til fimmtudags vegna gruns um kynferðisbrot gagnvart íslenskri konu. Samkvæmt heimildum Vísis var maðurinn hluti af steggjaferð hingað til lands. 

Maðurinn var handtekinn í gærmorgun en konan hefur lagt fram kæru á hendur honum. Árni Þór Sigmundsson, yfirmaður kynferðisbrotadeildar, staðfesti við Vísi að fleiri hefðu verið yfirheyrðir vegna málsins. Meðal þeirra eru ferðafélagar mannsins.

Samkvæmt heimildum Vísis var hópnum sem maðurinn tilheyrði vísað af hótelinu eftir að málið kom upp og herbergi á hótelinu lokað tímabundið.

Árni Þór segir rannsókn málsins miða vel.