Í gæsluvarðhald vegna gruns um kynferðisbrot á hóteli

Héraðsdómur Reykjavíkur úrskurðaði í morgun karlmann í gæsluvarðhald til fimmtudags en hann er grunaður um kynferðisbrot á gistiheimilinu Room with a view aðfaranótt sunnudags.

Árni Þór Sigmundsson, yfirmaður kynferðisbrotadeildar hjá lögreglu, staðfestir að farið hafi verið fram á gæsluvarðhald á forsendum rannsóknarhagsmuna.

Að sögn Árna hafa fleiri en maðurinn verið yfirheyrðir vegna málsins en ekki séu þó fleiri grunaðir. Þá miði rannsókn lögreglu vel. Ekki liggur fyrir hvort verjandi mannsins hafi kært úrskurðinn til Hæstaréttar.

Engar upplýsingar fást um það hvort hinn grunaði og sú sem kærði séu ferðamenn eða ekki.