Ítalska konan ekki í lífshættu

Ítalska konan sem lenti í bílveltu ásamt fimm löndum sínum á ferðalagi um Vesturland á sunnudag er ekki í lífshættu. Konan var flutt ásamt tveimur öðrum með þyrlu Landhelgisgæslunnar frá Skógarströnd í bæinn.

Hinir þrír farþegarnir slösuðust aðeins minniháttar og voru fluttir með sjúkrabílum í bæinn. Um var að ræða eitt af níu umferðaróhöppum í umdæmi Lögreglunnar á Vesturlandi í síðustu viku.

Þá er lausaganga hrossa á svæðinu vaxtandi vandamál, aðallega á Snæfellsnesvegi.

„Hross eru að sleppa út úr girðingum, sem liggja sums staðar niðri eða eru á kafi í snjó. Þegar harðnar á dalnum í frosti og snjó þarf að huga vel að öllum útigangi og gefa honum vel. Hross sem að ekki fá nóg að éta leita frekar út úr girðingarhólfum. Ábyrgð eigenda er mikil ef eitthvað gerist.“

Helstu verkefni hjá Lögreglunni á Vesturlandi í sl. viku.Alls urðu 9 umferðaróhöpp í umdæminu sl. viku. Þar af eitt...

Posted by Lögreglan Vesturlandi on Tuesday, March 1, 2016