Grótta í undanúrslit

Grótta er komið í undanúrslit Olís-deildar kvenna eftir tveggja marka sigur á Selfossi á Selfossi í dag, 23-21.

Fyrri hálfleikurinn var jafn og spennandi, en staðan var jöfn í hálfleik 9-9. Í síðari hálfleik reyndust Íslandsmeistararnir sterkari og unnu að lokum tveggja marka sigur, 23-21.

Lokatölur í þessu einvígi því 2-0 og Grótta getur því enn varið Íslandsmeistaratitilinn frá því í fyrra.

Hrafnhildur Hannar Þrastardóttir skoraði sjö mörk fyrir Selfoss og Adina Ghidoarca skoraði sex mörk. Lovísa Thomspon og Þórey Anna Ásgeirsdóttir gerðu báðar sex mörk fyrir Gróttu.