Amber Heard sækir um skilnað frá Johnny Depp

Leikkonan Amber Heard sótti um skilnað frá Johnny Depp á mánudag, þremur dögum eftir að leikarinn vinsæli missti móður sína. Fréttastofa TMZ greindi frá.

Parið gifti sig í febrúar í fyrra en samkvæmt heimildum TMZ fer leikkonan fram á fjárhagslegan stuðning frá Depp í kjölfarið. Einnig er því haldið fram að parið hafi ekki gert neinn kaupmálasamning sín á milli fyrir giftingu.

Amber og Depp komust í heimsfréttirnar fyrir skömmu eftir að hafa smyglað hundi inn til Ástralíu. Til þess að komast hjá dómi í landinu neyddust þau til þess að senda út frá sér myndband þar sem þau báðust innilegrar afsökunar. Það má sjá hér fyrir neðan.

Nýjasta mynd Depp, Alice Through the Looking Glass, verður frumsýnd í Bandaríkjunum á föstudag.