160 urriðar í opnunarhollinu í Laxá í Mývatnssveit

Laxá í Mývatnssveit er líklega ein af bestu urriðaám á heimsvísu enda þykir bæði veiðin í henni og umhverfi alveg einstakt.

Þeir sem þekkja ánna vel segja að um hefðbundna opnun hafi verið að ræða en 160 urriðar veiddust á fyrstu þremur vöktunum ásamt því að nokkuð slapp eins og venjulega.  Ekki varð vart við neinn þörungablóma eins og einhverjir óttuðust heldur var áin bara í sínum hefðbundna lit miðað við árstíma.  Það var eftir því tekið að urriðinn var sérstaklega vel haldinn og greinilega hefur fæðuframboðið verið gott í vor.

Þeir sem hafa einu sinni veitt í Laxá, hvort heldur í Mývatnssveit eða í Laxárdalnum, verða yfirleitt fastir gestir því veiðin ein sú skemmtilegasta sem hægt er komast í.  Veiðin uppfrá er betri í tölum en veiðin í dalnum en meðalþyngdin í dalnum er þó hærri og það þarf oft á tíðum slungna veiðimenn til að ná þessum stóru því þeir falla ekki svo auðveldlega fyrir flugum veiðimanna.  Þeir sem eiga eftir að prófa þessi skemmtilegu svæði geta skoðað lausa daga á vef SVFR.