GR öruggt með gullið fyrir úrslitaleikinn í holukeppni kvenna

GR-konurnar Ragnhildur Kristinsdóttir og Berglind Björnsdóttir spila til úrslita á morgun á Íslandsmótinu í holukeppni en þær unnu undanúrslitaleiki sína í dag. Holukeppnin í ár fer fram á Hólmsvelli í Leiru. 

Það er því þegar ljóst að GR mun eignast sigurvegara í kvennaflokki KPMG-bikarsins og verður það tólfti titill GR í keppninni.

Berglind Björnsdóttir vann undanúrslitaleik sinn á móti Ingunni Einarsdóttur úr GKG en Berglind hafði áður slegið út Hafdísi Öldu Jóhannsdóttur úr GK.

Berglind vann 3/2 það er var með þriggja holu forskoti eftir sextándu holuna eða þegar það voru bara tvær holur eftir.

Ragnhildur Kristinsdóttir vann undanúrslitaleik sinn á móti Signýju Arnórsdóttur 4/3 en Ragnhildur vann Jódís Bóasdóttur úr GK í átta manna úrslitum.

Tap Signýjar þýðir að nýtt nafn fer á bikarinn í Íslandsmótinu í holukeppni kvenna því Signý var sú eina af þessum fjórum í undanúrslitunum sem hafði unnið áður.

Ingunni Einarsdóttir og Signý Arnórsdóttir spila um þriðja sætið á morgun en úrslitaleikurinn hefst klukkan 9.30 í fyrramálið.