Fimmti Daninn á leið til Vals

Tveir danskir leikmenn ganga til liðs við Val í félagsskiptaglugganum í júlí. Áður hafði verið greint frá því að hægri bakvörðurinn Andreas Albech komi frá Skive og að auki fær Valur miðjumanninn Kristian Gaarde frá Velje.

Frá þessu er fyrst greint á mbl.is.

Fyrir hjá Val eru þrír danskir leikmenn, þeir Rasmus Christiansen, Rolf Toft og Nikolaj Hansen og verða því alls fimm Danir á mála hjá Hlíðarendafélaginu í sumar að því gefnu að liðið fái ekki fleiri til sín.

Ekki hefur gengið eins vel hjá Val í upphafi leiktíðar og vonast var til á Hlíðarenda en liðið er í 7. sæti eftir níu umferðir, níu stigum á eftir toppliði FH.