Heyrið brot úr nýju lagi Calvin Harris um svikula kærustu

Popparinn Calvin Harris hefur sleppt einnar mínútu löngu broti úr nýjasta lagi sínu lausu. Lagið fjallar um svikula kærustu og í því eru tilvísanir í texta í sambandsslit hans og poppgyðjunnar Taylor Swift. Textinn er skrifaður út frá sjónarhorni Tom Hiddleston og gengur Harris það langt að leika sér með nafnið Loki sem breski leikarinn hefur leikið í Marvel myndunum frægu.

Heyra má brot úr laginu Olé á síðu TMZ.

Tom að fá nóg?

Nú er talað um að tvær grímur séu að renna á Tom og að honum finnist Taylor fremur frjálsleg í því að deila væmnum myndum af þeim á netinu. 

Page Six greinir frá því að vinir leikarans segi að það sé söngkonan sjálf sem stýri því hversu margar myndir af þeim rati í fjölmiðla. Sagt er að hann sé að verða frekar leiður á því hversu mikla athygli samband þeirra fái. Vinir hans segja einnig að söngkonan krefjist þess að fá stanslausa athygli frá honum sem sé kæfandi á köflum.