Júdómaðurinn Þormóður Árni Jónsson verður fánaberi Íslands á setningarhátíð Ólympíuleikanna í Ríó sem fer fram í kvöld og hefst klukkan ellefu að íslenskum tíma.
Þormóður Árni Jónsson er fyrsti íslenski júdómaðurinn í 24 ár til að vera fánaberi Íslands á setningarhátiðinni eða síðan að þjálfari hans í dag, Bjarni Friðriksson, bar fánann inn á Ólympíuleikvanginn í Barcelona árið 1992.
Bjarni Friðriksson var þá að bera íslenska fánann inn á leikvanginn í annað skiptið en hann gerði það einnig í Seoul í Suður-Kóreu fjórum árum fyrr.
Þormóður Árni Jónsson er langt frá því að vera eini keppandinn í júdó sem ber fána þjóðar sinnar inn á Maracana-leikvanginn í kvöld. Frakkar og Tékkar eru sem dæmi einnig með júdómann fremstan í flokki en það eru líka fleiri þjóðir.
Alls eru nítján þjóðir af 206 með júdófólk sem fánabera. Tólf júdókarlar og sjö júdókonur fara þannig fyrir löndum sínum á setningarhátíðinni.
Þjóðir með júdófólk sem fánabera í kvöld:
Afganistan - Mohammad Tawfiq Bakhshi, júdómaður
Andorra - Laura Salles Lopez, júdókona
Sádi-Arabía - Sulaiman Hamad, júdómaður
Alsír - Sonia Asselah, júdókona
Búrkína Fasó - Rachid Sidibe, júdómaður
Kólumbía - Yuri Alvear Orjuela, júdókona
Ekvador - Estefania Garcia, júdókona
Frakkland - Teddy Riner, júdómaður
Georgía - Avtandili Tchrikishvili, júdómaður
Gínea - Mamadama Bongoura, júdókona
Ísland - Þormóður Árni Jónsson, júdómaður
Kósóvó - Majlinda Kelmendi, júdókona
Líbanon - Nacif Elias, júdómaður
Mongólía - Temuulen Battugla, júdómaður
Mjanmar - Naing Soe Yan, júdómaður
Nepal - Phupu Lamu Khatri, júdókona
Tansanía - Andrew Thomas Mlugu, júdómaður
Tékkland - Lukas Krpalek, júdómaður
Sambía - Mathews Punza, júdómaður
Fleiri júdómenn en Þormóður bera fána þjóðar sinnar í kvöld
Tengdar fréttir
Þormóður og Aníta komu við í Sao Paulo á leið til Ríó
Sjö af átta keppendum Íslands á Ólympíuleikunum í Ríó hafa nú skilað sér í Ólympíuþorpið í Ríó en júdókappinn Þormóður Árni Jónsson og Anítu Hinriksdóttir mættu bæði í dag eftir mjög langt ferðalag.
Ekkert nema konur á eftir Þormóði á setningarathöfninni
Þormóður Árni Jónsson verður eini íslenski karlkyns keppandinn sem gengur inn á völlinn á setningarathöfninni í kvöld.
Íslenskur fiskur á leikunum í Ríó
Íslenskur fiskur verður á borði í mötuneyti íþróttamanna á Ólympíuleikunum í Rio de Janeiro í Brasilíu í ár. Fiskurinn sem kemur frá Íslandi er saltaður þorskur frá sjávarútvegsfyrirtækinu Vísi hf. í Grindavík.
Með sambataktinn í sundlaugina
Íslenski Ólympíuhópurinn var boðinn formlega velkominn í Ólympíuþorpið í gærkvöldi með fjölmennum sambadansi og klassískri Ríó-stemmningu
Íslenskar íþróttakonur í meirihluta í fyrsta sinn á ÓL
Fimm konur skipa átta manna Ólympíulið Íslands í Ríó. Þetta er í fyrsta sinn í keppnissögu Íslendinga á sumarólympíuleikum þar sem konur eru í meirihluta. Leikarnir í Ríó eru því þegar orðnir sögulegir.
Setningarathöfnin byrjar seint á Íslandi en enn seinna hjá öðrum þjóðum
Ólympíuleikarnir í Ríó de Janeiro verða settir með viðhöfn á Maracana leikvanginum í kvöld en aldrei munu fleiri þjóðir hafa átt fulltrúaa á leikunum og þar með fánabera í hinni frægu hefð Ólympíuleikanna.
Ísland verður hundraðasta þjóðin sem kemur inn á Maracana-leikvanginn
Ísland verður að sjálfsögðu í hópi þeirra 206 þjóða sem ganga inn á Estádio Maracana í kvöld þegar 31. Sumarólympíuleikarnir verða settir með viðhöfn í Rio de Janeiro í Brasilíu.
Læknirinn kom með víkingaklappið til Ríó
Það er alltaf von á víkingaklappinu þessa dagana þegar fleiri en þrír Íslendingar koma saman.
Þormóður Árni verður fánaberi
Júdókappinn Þormóður Árni Jónsson verður fánaberi Íslands á opnunarhátið Ólympíuleikanna í Ríó á morgun.
