Erlendur og Þorvaldur dæma bikarúrslitaleikina

Erlendur Eiríksson og Þorvaldur Árnason dæma úrslitaleikina í Borgunarbikar karla og kvenna sem fara fram í dag og á morgun.

Erlendur verður með flautuna í kvöld þegar Breiðablik og ÍBV mætast í bikarúrslitaleik kvenna.

Rúna Kristín Stefánsdóttir og Andri Vigfússon eru Erlendi til aðstoðar og Bríet Bragadóttir er varadómari.

Þorvaldur dæmir karlaleikinn á milli Vals og ÍBV og þreytir þar með frumraun sína í bikarúrslitaleik.

Gylfi Már Sigurðsson og Birkir Sigurðarson eru aðstoðardómarar og Þóroddur Hjaltalín varadómari. Eftirlitsmaður KSÍ er Magnús Sigurður Sigurólason.