Kveikti bál með golfsveiflunni

Rosalegasta golfsveifla sögunnar var tekin í Kaliforníu um daginn. Hún endaði sem skógareldur.

Hér er ekki verið að ljúga neinu. Menn þurfa að passa sig er þeir sveifla kylfu í miklum þurrki í Kaliforníu.

Þessi ónefndi kylfingur sló kylfu sinni í stein og kveikti þannig neista sem kveikti bálið.

Það var lítið í upphafi en endaði sem skógareldur sem náði yfir 60 hektara svæði.

Það þurfti alls 140 slökkviliðsmenn og þrjár þyrlur til þess að slökka eldinn. Allt út af einni golfsveiflu.