Gunnar Bragi, Elsa Lára og Sigurður Páll efst hjá Framsókn í NV

Gunnar Bragi Sveinsson, sjávarútvegs- og landbúnaðarráðherra, mun leiða lista Framsóknarflokksins í Norðvesturkjördæmi í komandi þingkosningum.

Elsa Lára Arnardóttir alþingismaður mun skipa annað sætið, Sigurður Páll Jónsson útgerðarmaður það þriðja og Lilja Sigurðardóttir sjávarútvegsfræðingur það fjórða.

Framboðslistinn var samþykktur á kjördæmaþingi flokksins sem fór fram á Hótel Bifröst fyrr í dag.

Alls eiga sextán manns sæti á listanum, níu karlar og sjö konur.