Sport

Brady sá sigursælasti frá upphafi

Henry Birgir Gunnarsson skrifar
Stuðningsmenn Patriots voru með þetta allt á hreinu í gær.
Stuðningsmenn Patriots voru með þetta allt á hreinu í gær. vísir/getty
Tom Brady, leikstjórnandi New England Patriots, varð í nótt sigursælasti leikstjórnandi í sögu NFL-deildarinnar.

Þá leiddi hann sitt lið til sigurs gegn LA Rams. Þetta var 201. sigurleikur Brady með Patriots og enginn leikstjórnandi hefur unnið jafn marga leiki. Peyton Manning átti metið sem var 200 sigrar en Brady jafnaði það fyrir viku síðan og sló síðan í gær.

Hér má sjá innslag um magnaða sigurgöngu Brady í NFL-deildinni.







Dallas Cowboys varð svo fyrsta liðið til þess að tryggja sér sæti í úrslitakeppninni í ár. Liðið þurfti ekki að spila til þess að tryggja sér sætið.

Tap Washington gegn gegn Arizona gerði það að verkum að Dallas er komið með öruggt sæti í úrslitakeppninni en liðið hefur aðeins tapað einum leik á leiktíðinni.







Pittsburgh Steelers vann mjög mikilvægan sigur á NY Giants á heimavelli sínum og batt um leið endi á sex leikja sigurgöngu Giants.

Bæði lið eru í harði baráttu um sæti í úrslitakeppninni og staða Steelers var mun erfiðari fyrir leikinn. Liðið varð að vinna og gerði það.

Ben Roethlisberger, leikstjórnandi Steelers, var mjög traustur og leiddi lið sitt áfram. Hlauparinn Le'Veon Bell var frábær og útherjinn Antonio Brown greip flesta bolta og skoraði eitt snertimark. Helstu tilþrif úr leiknum má sjá hér.







Seattle sendi út skýr skilaboð gegn silfurliði síðasta árs, Carolina. Seattle valtaði yfir gestina og undirstrikaði enn á að liðið ætlar sér stóra hluti.

Hlauparinn Thomas Rawls hefur náð fullri heilsu og sýndi allar sínar bestu hliðar. Skoraði tvö snertimörk og var hreinlega óstöðvandi.

Leikurinn byrjaði á ótrúlegan hátt því leikstjórnandi Carolina, Cam Newton, var bekkjaður fyrir að brjóta reglur um klæðaburð hjá félaginu.

Derek Anderson byrjaði því leikinn en í fyrsta kerfi misheppnaðist sending hans og Seattle stal boltanum. Anderson var fljótur að fara á bekkinn en það breytti engu því það var ekkert að fara að stöðva Seattle í nótt. Sjá má tilþrifin úr þeim leik hér.

Úrslit:

Atlanta-Kansas City  28-29

Baltimore-Miami  38-6

Chicago-San Francisco  26-6

Cincinnati-Philadelphia  32-14

Green Bay-Houston  21-13

Jacksonville-Denver  10-20

New England-LA Rams  26-10

New Orleans-Detroit  13-28

Oakland-Buffalo  38-24

Arizona-Washington  31-23

Pittsburgh-NY Giants  24-14

San Diego-Tampa Bay  21-28

Seattle-Carolina  40-7

Í nótt:

NY Jets - Indianapolis

Staðan í NFL-deildinni.

NFL

Mest lesið


Fleiri fréttir

Sjá meira


×

Mest lesið