Rúna Sif eina konan í íslenska hópnum

Ísland verður með þrettán alþjóðadómara í knattspyrnu á þessu ári en íslensku dómararnir fengu á dögunum afhent FIFA-merki sem staðfestir að þeir séu alþjóðlegir dómarar.

Ísland er áfram með fjóra FIFA-dómara en það eru þeir Gunnar Jarl Jónsson, Vilhjálmur Alvar Þórarinsson, Þorvaldur Jónsson og Þóroddur Hjaltalín.  Þetta er þriðja árið sem þessir fjórir eru FIFA-dómarar en Vilhjálmur Alvar Þórarinsson er sá nýjasti af þessum fjórum.

Ísland er síðan með átta FIFA-aðstoðardómara en það eru þau Bryngeir Valdimarsson, Oddur Helgi Guðmundsson, Birkir Sigurðarson, Andri Vigfússon, Gylfi Már Sigurðsson, Jóhann Gunnar Guðmundsson, Frosti Viðar Gunnarsson og Rúna Kristín Stefánsdóttir sem er eina konan í hópnum.

Andri og Oddur Helgi komu inn núna í stað Björns Valdimarssonar og Gunnars Sverris Gunnarssonar sem duttu útaf listanum.

Aðalbjörn Heiðar Þorsteinsson er síðan alþjóðlegur dómari í innbolta, futsal. Andri Vigfússon hefur áður verið FIFA-dómari í futsal.

Allir mættu til athafnarinnar nema Þorvaldur Árnason sem fær sitt FIFA-merki vonandi við fyrsta tækifæri. KSÍ sagði frá.

Íslenskir dómarar fá margvísleg verkefni erlendis á ári hverju og Knattspyrnusamband Íslands hvetur konur sérstaklega hvattar til að kynna sér tækifærin sem felast í því að vera dómari.