„Sofa hjá, giftast, drepa“ í fjölskylduferð er aldrei góð hugmynd

Það þekkja eflaust flestallar fjölskyldur það að fara í leiki á ferðalögum sínum í kringum landið.

Í Steypustöðinni síðastliðinn mátti sjá eina venjulega fjölskyldu fara í bílaleik, leik sem fór gjörsamlega úr böndunum. Um var að ræða leik sem hlustendur FM95BLÖ þekkja vel og kallast hann Sofa hjá, giftast, drepa.

Hann gengur út á það að maður telur upp þrjá mismunandi aðila og þú verður að velja hvað hver á að gera með þér.

Með aðalhlutverk í Steypustöðinni fara þau Saga Garðarsdóttir, Sverrir Þór Sverrisson, Ágústa Eva Erlendsdóttir, Steindi Jr.  og Auðunn Blöndal. Í þessu atriði fara Ágústa Eva og Auðunn á kostum eins og sjá má hér að neðan.

Niðurstaðan, ekki fara í þennan leik með börnunum þínum. Steypustöðin er þáttur sem er bannaður innan 12 ára.