Arnór Borg seldur til Swansea

Íslendingum í Swansea fjölgaði um einn í dag er hinn efnilegi Arnór Borg Guðjohnsen var seldur frá Blikum til Swansea.

Arnór Borg er 16 ára gamall. Eins og nafnið gefur til kynna er hann sonur knattspyrnugoðsagnarinnar Arnórs Guðjohnsen og bróðir Eiðs Smára.

Í frétt á blikar.is kemur fram að Arnór hafi farið á reynslu hjá Swansea á dögunum og heillaði félagið það mikið að það ákvað að kaupa hann.

Arnór Borg mun flytja til Swansea í sumar en þar er auðvitað fyrir Gylfi Þór Sigurðsson.