Epal með snilldarlega auglýsingu eftir umræðu vikunnar

Húsgagnaverslunin Epal var ekki lengi að bregðast við umræðu vikunnar með nýjustu auglýsingu sinni sem birtist í dag. Seinustu daga hefur verið mikið rætt um viðtal Sindra Sindrasonar við Töru Margréti Vilhjálmsdóttur, formann Samtaka um líkamsvirðingu. 

Auglýsingin vísar þó í athugasemd frá Hildi Lillendahl sem kallaði Sindra „Epal-homma“. Það var auglýsingastofan Brandenburg sem lét til skara skríða og nýtti tækifærið til þess að loka umræðunni á frábæran hátt. Það var ljósmyndarinn Ari Magg sem tók myndina. 

Á myndinni eru Svavar Örn, Friðrik Ómar, Bergþór Pálsson, Guðfinnur Sigurvinsson, Símon Ormarsson og Albert Eiríksson.