Lífið er eins og sýningarnar, kemur alltaf á óvart

3Klassískar og prúðbúinn píanisti taka lagið og léttar veitingar verða í boði á sýningaropnun í Anarkíu Listasal í Hamraborg 3 a í Kópavogi í dag sem hefst klukkan 15.  Þar eru þær Eilíf Ragnheiður og Jóhanna Þórhallsdóttir með sína einkasýninguna hvor. 

 „Þetta er í fyrsta sinn sem ég sýni á Íslandi undir formerkjum myndlistar. Fjölskylda mín er mjög spennt, hún veit ekkert hvað ég er að gera, man bara eftir mér rúllandi á gólfi,“ segir Eilíf Ragnheiður sem er dansari að mennt en meiddist fyrir nokkrum árum, fór þá að læra gjörningalist úti í Gautaborg en flutti heim síðasta haust.

„Ég kalla verkið M-1, það er innsetning sem byggist á textílverkum, skúlptúrum og vídeói og er viss rannsókn á sjálfinu,“ útskýrir hún.

Jóhanna var um árabil söngkona og kórstjórnandi en sneri sér alfarið að málverkinu fyrir sex árum. Hún hefur undanfarið stundað nám hjá Markúsi Lübertz í Suður-Þýskalandi og útskrifast þaðan í sumar.

Jóhanna kallar sýningu sína Nekt og nærvera og sýnir málverk sem hún hefur aðallega unnið á þessu ári, auk örfárra eldri mynda. „Lífið er eins og sýningarnar,“ segir hún. „Kemur alltaf á óvart.“

 

Greinin birtist fyrst 1. apríl 2017