Dramatík er Horschel vann Day í umspili

Byron Nelson-mótið á PGA-mótaröðinni var æsispennandi og þurfti umspil til þess fá sigurvegara.

Þangað fóru þeir Billy Horschel og Jason Day. Horschel hafði betur þar eftir að Day hafði misst pútt af stuttu færi.

Þetta var fjórði sigur Horschel á PGA-móti og sá fyrsti síðan árið 2014. Hann hafði ekki komist í gegnum niðurskurðinn á fjórum mótum í röð áður en kom að Byron Nelson-mótinu.

Svekkjandi endir engu að síður fyrir Day sem hefur aðeins einu sinni náð að vera á topp tíu í ár. Day hefur verið að glíma við bakmeiðsli og svo er móðir hans illa haldin í baráttu sinni við krabbamein þannig að andlega hliðin hefur heldur ekki verið upp á það besta hjá honum.

Masters-meistarinn Sergio Garcia kom í hús á 74 höggum lokadaginn og missti af lestinni.