Esjutónleikum frestað vegna veðurs

Tónleikum Nova sem áttu að fara fram á Esjunni í kvöld hefur verið frestað til morguns. Þetta kemur fram í tilkynningu. Tónleikarnir verða í staðinn haldnir annað kvöld klukkan 18.

Dagskráin verður óbreytt en plötusnúðurinn Þura Stína hitar upp og taka rappararnir Úlfur Úlfur, Aron Can og Emmsjé Gauti við af henni.

Hægt er að ganga upp að tónleikastaðnum en einnig verður boðið upp á þyrluflug sem kostar 6500 krónur upp og 6500 krónur niður.

Áætlað er að tónleikunum ljúki klukkan 21.30.