Ólafía hætti keppni vegna meiðsla

Ólafía Þórunn Kristinsdóttir hætti keppni eftir 18 holur á úrtökumóti fyrir Opna bandaríska meistaramótið í golfi í Michigan í Bandaríkjunum í dag.

Ólafía lék fyrri hringinn á 81 höggi en ákvað að hætta keppni að honum loknum vegna meiðsla.

Ólafía er með klemmda taug í vinstri öxl og verkurinn ágerðist í dag. Hún ákvað því að láta gott heita eftir fyrri hringinn.

Óvíst er hvort Ólafía geti tekið þátt á næsta móti, Meijer Classic, sem hefst á fimmtudaginn. Þetta staðfesti umboðsmaður Ólafíu í samtali við mbl.is.