Valdís í fjórða sæti á LET Access mótinu

Valdís Þóra Jónsdóttir endaði í fjórða sæti á LET Access mótaröðinni sem fór fram í Tékklandi.

Valdís lék á -4 höggum undir pari samtals en Valdís fékk skolla á seinustu holunni á öðrum keppnisdeginum og rétt missti því af þremur efstu kylfingunum, sem voru jafnar í efstu sætunum á -5 höggum.

Þriðja degi mótsins var aflýst í kjölfar elds sem kom upp í geymslurými klúbbhúsins í Tékklandi og því þurftu

Lucie Andre, Agathe Sauzon og Nina Muehl, sem deildu efsta sætinu, að fara í þriggja holu bráðabana um fyrsta sætið.

Bráðabaninn endaði með því að Lucie Andre vann mótið eftir að hafa spilað holurnar þrjár á pari.