Internetið er að missa sig yfir þessum krúttlegu tvíburum

Myndband sem Kelly Thomas, móðir nýsjálensku tvíburanna Noah og Micah tók á dögunum af sonum sínum, hefur heldur betur slegið í gegn.

Á myndbandinu má sjá þá Noah og Micah í hláturskasti á líkamsræktartæki móður sinnar sem hristist svona líka skemmtilega og gleður litlu drengina tvo.

Móðursystir þeirra, Lauren Thomas, sendi myndbandið á lífsstílsbloggarann Ellie sem birti það svo á Facebook-síðu sinni.

Þar hefur verið horft á það 85 milljón sinnum auk þess sem því hefur verið deilt í 1,5 milljón skipti og eru flestir á því að þetta sé með því krúttlegasta sem internetið hefur upp á að bjóða í dag.

Að minnsta kosti er þetta ágætis gleðigjafi í haustrigningunni hér á Fróni svona um mitt sumar.

Myndbandið má sjá hér.