Fyrsti sigur Birgis á atvinnumóti erlendis

Birgir Leifur Hafþórsson, kylfingur úr GKG, stóð uppi sem sigurvegari á Opna Cordon-mótinu sem fór fram í Frakklandi. Mótið var hluti af Áskorendamótaröðinni.

Birgir Leifur hafði leikið frábært golf fyrstu þrjá hringina og var með sjö hogga forskot fyrir síðasta hringinn sem átti að fara fram í dag, en var flautaður af vegna mikillar úrkomu.

Samtals spilaði Birgir Leifur hringina þrjá á 18 höggum undir pari. Hann fékk einn örn, 21 fugla og 27 pör. Frábær frammistaða hjá kylfingnum okkar í Frakklandi.

„Þetta er sérstök stund fyrir mig að vera fyrsti Áskorendamótaröða-sigurvegarinn frá Íslandi. Þetta er frábært mót með frábæra leikmenn svo þetta er stór áfangi fyrir mig og ég held að fólk verði ánægt fyrir mína hönd,” sagði Birgir Leifur í samtali við heimasíðu keppninnar.

„Ég er ekki sá yngsti, en ég held að ég eigi þetta skilið fyrir þolinmæði mína. Í gegnu árin hef ég gengið í gegnum margt fyrir þennan áfanga, meiðsli og fullt af hlutum, svo ég er mjög ánægður.”

Birgir Leifur fær rúmlega 33 þúsund evrur fyrir sigurinn, en Birgir Leifur er að berjast við að komast inn á sjálfa Evrópumótaröðina. Efstu fimmtán úr Áskorendamótaröðinni fá keppnisrétt. Birgir Leifur er sem stendur í 16. sæti.