Ólafía komst í gegnum niðurskurðinn

Ólafía Þórunn Kristinsdóttir komst í gegnum niðurskurðinn á Evian-meistaramótinu í golfi. Þetta er síðasta risamót ársins.

Ólafía lék fyrsta hringinn á pari og í dag lék hún á þremur höggum yfir pari.

Ólafía lauk leik fyrir hádegi og þurfti því að bíða í dágóðan leik eftir því að vita hvort hún kæmist í gegnum niðurskurðinn. Það tókst en niðurskurðarlínan miðaðist við þrjú högg yfir pari.

Ólafía er í 64.-72. sæti eftir fyrstu tvo hringina. Moriya Jutanugarn frá Tælandi með forystu. Hún er einu höggi á undan Ayako Uehara frá Japan.

Þetta er í fyrsta sinn sem Ólafía kemst í gegnum niðurskurðinn á risamóti. Hún komst hvorki í gegnum niðurskurðinn á KPMG PGA-meistaramótinu í lok júní né Opna breska meistaramótinu í byrjun ágúst.

En Ólafía komst í gegnum niðurskurðinn í þriðju tilraun og verður því á meðal keppenda á lokadegi Evian-meistaramótsins á morgun.