Nafn konunnar sem lést eftir árás á Hagamel

Birgir Olgeirsson skrifar 25. september 2017 16:32

Konan sem lést í kjölfar líkamsárásar í vesturbæ Reykjavíkur síðastliðið fimmtudagskvöld hét Sanita Brauna, 44 ára, frá Lettlandi.

Hún lætur eftir sig þrjú börn og foreldra að því er segir í tilkynningu frá lögreglu.

Karlmaður á fertugsaldri situr í gæsluvarðhaldi vegna málsins, grunaður um manndráp. Maðurinn var á föstudag úrskurðaður í vikulangt varðhald á grundvelli rannsóknarhagsmuna og sætir hann einangrun á meðan.

Manndráp á Hagamel

Tengdar fréttir

Krufningu lokið í manndrápsmáli á Melunum

Bráðabirgðaniðurstöður varðandi dánarorsök ættu að liggja fyrir síðar í þessari viku.

25. september 2017 14:09

Úrskurðaður í vikulangt gæsluvarðhald

Maður sem grunaður er um að hafa orðið konu að bana í íbúð hennar við Hagamel í gærkvöldi var í dag úrskurðaður í vikulangt gæsluvarðhald á grundvelli almannahagsmuna.

22. september 2017 16:14

Yfirheyrsla gæti farið fram í dag

Erlendur karlmaður, sem grunaður er um að hafa orðið konu að bana í íbúð hennar við Hagamel á fimmtudagskvöld, verður að öllum líkindum yfirheyrður í dag eða á morgun.

25. september 2017 06:00