Ólafía Þórunn hafnaði í 59. sæti í Malasíu

Ólafía Þórunn Kristinsdóttir lauk þátttöku á Sime Darby LPGA mótinu í Malasíu í nótt.

Ólafía lék lokahringinn á 77 höggum eða sex höggum yfir pari og endar mótið því samtals á sjö höggum yfir pari sem skilar henni í 59.sæti mótsins sem er hluti af LPGA mótaröðinni.

Ólafía lenti í miklum vandræðum á 17.holu sem hún lék á sjö höggum en 17.hola er par 3. Hún fékk fjóra skolla á hringnum og tvo fugla.

Hin bandaríska Cristie Kerr hafði sigur á mótinu en hún lauk keppni á fimmtán höggum undir pari.